Frivillig på Folkelarm 2025
På Folkelarm treng vi hjelp av engasjerte folk som vil bidra til at festivalen vår opplevast som ein god og inkluderande møteplass for alle involverte.
Vi treng hjelp til følgande oppgåver:
Organisering i forkant av festivalen
Mandag og tysdag før Folkelarm treng vi hjelp med å pakke delegatbaggar, ordne akkrediteringskort, printe timeplanar og program, pakke utstyr og anna. Arbeidet vil føregå i FolkOrg sine kontorlokaler i Møllergata 39.
Inforskranke
Infoskranka er gjerne det første folk møter når dei kjem på Folkelarm. Vi treng imøtekommande og serviceinnstilte folk til å ta imot artistar, delegatar, publikummarar og seminardeltakarar. I infoskranka sit du alltid saman med ein FolkOrg-tilsett og det finns instruksar på arbeidsoppgåvene du får tildelt. I rolege perioder kan den frivillige i infoskanka bli satt til andre, praktiske oppgåver under festivalen, som til dømes rigging, rydding og anna.
Vertskap i lavvoen
Som vertskap i lavvoen har du det overornda ansvaret for programmet, til dømes ha oversikt over at artistar er på plass til rett tid, introduserer dei ulike artistane og halde liv i bålet.
Backstage/scene-ansvarleg
Som backstage-ansvarleg har du ansvaret for å tildele garderober til artistar, rydde, fylle på med drikke og snacks og passe på at artistane rydder garderobene etter konserten slik at det blir plass til neste gruppe/artist. Du skal vere behjelpelig med teknisk omrigg på dei ulike scenene.
Dansespelansvarleg
Som dansespelansvarleg introduserer du nye artistar på scena og har kontroll på at neste musikar/gruppe er klare bak scena når det nærmar seg byte. Du ryddar også backstage klar til neste dag.
Vilkår
1 frivilligvakt er på 4 timar og gir gratis inngang den aktuelle dagen og kvelden. Arbeid i forkant og sundag av Folkelarm: dagpass til valfri dag.
2 frivilligvakter eller fleire gir gratis festivalpass torsdag - sundag, og matbongar dei aktuelle dagane. For å få festivalpass må du ha jobba minimum 8 timar.
Ønsker du å spele til dans? Ta kontakt med Isa Holmgren: isa@folkorg.no
Fyll ut skjemaet under for å registrere deg som frivillig. Ta kontakt om du har spørsmål!
Isa Holmgren
Frivilligansvarleg Folkelarm 2025
isa@folkorg.no
Eller kontakt Ann Helen Erichsen, prosjektleiar for Folkelarm: annhelen@folkorg.no
